今年年初四難得係假期，唔需拜年，所以一於去relax 下
一向鐘情high tea ，所以放假就選擇黎到ICC Ritz Carlton 102樓啦, 已黎過數次, 只要由elements 地鐵站行過黎就得
今日既天氣都幾大霧，所以望過對面海都唔算好清楚，不過呢，係101甘高望下，點都會興奮影下相既
新年期間high tea 有3轉時間，而我選擇咗12:00
因為high tea 多數係下午時間，所以無乜人，而給我安排既座位是4人沙發，也是最角落既位置，私隱度極高, 可180度望著海景，非常滿意！
訂座時可以特別叫服務員安排
影後影左都同大海一齊XD
尼個就係afternoon tea 既餐牌，款式不時更換，所以每次都會有驚喜！
鮮紅色既花花迎合新年新氣象
點的是English Breakfast tea，我不太喜愛加牛奶作奶茶，濃茶可以讓我提提醒，而且好甘香，容易入口。不過座位既問題, 職員都好少主動行過黎加水, 要等好耐
萬眾期待既下午茶終於黎啦，以傳統茶架放置茶點，精緻巧小，讓我垂涎三尺！
意式雜菜蛋批 - 和pizza 既味道差不多，香脆鬆化，唔會太酸，而且幾醒胃架！
煙三文魚意大利包 - 一般般啦
鴨肝慕絲蛋白杏仁餅 - 鴨肝味好出色，好香濃，一鹹一甜，配搭好有新意！
迷迭香火腿迷你漢堡配蜜糖芥末汁 - 我好喜歡個迷你漢堡，因好煙un，好好咬口，反而食唔出芥末汁！
鬆餅可算是決定afternoon tea 既分數，餅身頗鬆化，牛油味不算太濃，單配奶油忌廉好像無乜味，但加埋果醬又唔錯喎。
中等Size ，唔會太大個，適量地增加飽肚感覺。
整體黎講鬆餅都合格既，但係如果牛油味重d就好啦
開心果朱古力法式蛋糕 - 外面有點兒硬身, 要花多少少牙力先得, 裡面既蛋糕好軟, 一軟一硬又幾得意既, 同埋個朱古力偏苦, 黑朱古力我至愛呀~
法式小圓餅 - Pierre Herme 既小圓餅, 絶對高質數及新鮮, 朱古力味好濃, 個蕊好夠朱古力, 所以唔會痴牙
芒果薑泡芙 - 其實本身我見到係薑味已經唔想食, 但係因為佢有芒果同埋個樣好精緻, 所以先試下, 泡芙好鬆化, 而且頗有驚喜, 薑味清甜, 一D都唔似煮餸既薑味, 配合忌廉會覺得無甘heavy, 而且底下都是芒果肉, 啖啖肉放入口中, 視覺及味覺都完全滿足了
檸檬薄荷蛋糕 - 應該係草莓蛋糕先岩, 一點都不酸, 最喜歡就係佢個底, 雖然比較硬身, 但係係由白朱古力整成既米通餅底, 我忍唔住講咗3次好好食, 又唔係超甜製作, 咁多款甜品我最喜歡就係佢啦
因為定左只係食到14:00, 13:30 就已經要埋咗單先, 我就梗係坐到14:00先走啦, 轉個頭已經見職員執好枱, serve第二round既客人, 證明我尼個位幾搶手!!!!!!!!
大堂酒廊 The Lounge & Bar
尖沙咀柯士甸道西1號環球貿易廣場(ICC)香港麗思卡爾頓酒店102樓
2263 2270
星期一至日：12:00-00:00
早餐供應時間：
星期一至五: 06:30-10:30; 星期六、日及公眾假期: 06:30 -11:00
下午茶供應時間：
星期一至日: 15:00-18:00
有事找我 : shamyanyan@gmail.com
個人專頁: www.facebook.com/summerstarzz
My sharing
沒有留言:
張貼留言