Yan Yan S 分享博客

http://www.ubeauty.com.hk/member_blog/summerstarzz/

2015年5月27日星期三

Tulsi & Wine - 滋味印度芝士pizza午餐

西營盤區終於活躍起來, 事關地鐵既發展，交通方便, 通往美食之路就更容易啦

今次三人行黎到般咸道尋找印度美食 - Tulsi & Wine , 它位於KING'S COLLEGE 既對面, 在西邊街和般咸道既交界之間的, 相當容易找到, 離地鐵站有5分鐘路程

店內裝潢像西餐廳, 不會有太多既文族圖案, 燈光也充足

午飯時段有3-Courses Lunch Set 供應, 餐牌是圖文並茂的, 讓少吃印度菜既我可以大約知道主菜既賣相

前菜/湯, 主菜, 熱飲, 價錢方面由 $68 - $158 免收加一

主菜方面也有很多選擇, 有肉類,飯, 意粉,漢堡.....

二話不說的點了一個H Set 意式敦牛肉配飯 $78

沙律菜很新鮮爽口, refresh 一下忙碌既工作

敦牛肉非常入味, 味道濃郁, 有點像燴牛尾既味道, 配以白飯進食, 更增大我既胃口

當然一個Set 是不能滿意我和友人, 我們再點小吃

整份餐牌價錢大約70-80. 羊架或豬肋骨也只需要是$170以下, 非常吸引, 可放膽點選

強烈推介之選 - 印度芝士薄餅 $72

即點即製既PIZZA, 傳到枱時已香噴噴

最吸引我的就係爆多芝士!!!!不單只有焗溶了既芝士, 仲係芝士粒

芝士味唔會太濃, 淡淡和味, 人人岩食

仲有洋蔥, 蕃茄, 香草既配搭, 非常足料

PIZZA係薄身的, 香脆可口, 焗得岩岩好啊~

天多羅燒雞(無骨) $78

決定印度餐廳既廚功, 非天多羅燒雞(無骨)莫屬

天多羅燒雞肉質好滑, 而且無雪味, 味道方面雖有加上香料調味, 未算太重味, 加點檸檬汁更可減少熱氣感

雞肉吃上來不乾, 仲有肉汁添

即使放涼了再吃也不會被空氣抽乾水份, 同樣滋味無窮

還有更多小吃想點, 讓我留待下一次再分享啦~

Tulsi & Wine (西環)

地址 : 西環般咸道63號采文軒10-11號地舖

電話 : 2517 7077

網址 : http://www.openrice.com/hongkong/restaurant/-/188600

My sharing

http://www.ubeauty.com.hk/member_blog/summerstarzz/

2015年5月18日星期一

每天替肌膚做個大馬士革玫瑰沐浴

潔面產品眾多, 其實要點選擇呢？

市面上有泡泡、啫哩、奶霜、乳霜等等質地既潔面產品，到底哪一款適合知自己呢？

YAN YAN 我皮膚屬混合偏乾，所以潔面時要避免過多泡泡既潔面產品，抽乾皮膚水份會引致敏感及痕癢，令皮膚質數下降。

但總覺得泡泡潔面霜會比較乾淨，到底泡泡和保濕可否共存？

最近試了CRABTREE & EVELYN既大馬士革玫瑰系列新品 - 清新保濕潔面霜，有重大發現哦～

大馬士革玫瑰清新保濕潔面霜 [HK$155]

包裝簡潔，100ml 容量都幾大支，價錢方面唔貴。

原來可當卸妝或單一清潔的，一次過做哂清潔功夫。
當中包含左法國大馬士革玫瑰復活草同蜀葵，強效保濕，又可以修復同更生肌膚細胞，令肌膚回復水嫩飽滿，仲有效鎮靜同淨化肌膚。

包裝也有封口的, 絶對衛生。

清新保濕潔面霜能夠產生豐盈泡沫，溫和有效地徹底潔淨肌膚上的污垢，蘊含法國大馬士革玫瑰保濕成份、並加入甘油及橄欖油萃取，潔面同時保留肌膚天然保護膜，防止水份流失，加上淡淡嘅玫瑰花香，帶來清新、淨化和舒柔的潔面感受。

泡泡性質溫和，而且好滑，在T字位及下巴多打圈，有助趕走油脂粉刺黑頭。

雖然加水後既潔面霜泡泡好豐富，不過在面上打圈約1分鐘後，泡泡會變細，幾乎看不到的，想必走進肌膚裡清潔一番！

因為少泡泡既原固，用清水沾濕化妝棉清洗便可。

即使潔面過後也沒覺得有繃緊，就像做了一個玫瑰浴，隨了散發陣陣花香外，仲好保濕，看起來飽滿一點。而且潔面過後過也不需急著塗上護膚品, 岩哂我尼D懶人

隨即可拍上爽膚液

大馬士革玫瑰潔淨爽膚液 $165 / 150ml

結合法國大馬士革玫瑰、蜀葵及復活草的充沛水份，可幫助改善肌膚的彈性。

爽膚液質地水水般清爽，倒下化妝棉再抹面，最後輕拍肌膚，加強滲透力。

再者用上精華面霜就可以了～

夏天也蠻適合，清爽保濕，香噴噴的！

是次試用由iTrial 及 CRABTREE & EVELYN提供

My sharing

http://www.ubeauty.com.hk/member_blog/summerstarzz/

2015年5月11日星期一

韓風韓式BBQ

超掛念韓國地道烤肉呀～～～

不過身為美食天堂既香港，韓風正值黃金時期，韓式道地烤肉也登陸得街知巷聞，讓我可以止止癢

今次走進登龍街找它 - BBQ 7080

大約19:30到達，座位未算全滿。

爐端的油煙也未能讓抽煙系統全都吸走，所以環境比較有氣氛

座位開蓋後是可以放置個人物品, 免受燒烤味燻到~

被安排座位後，職員已快手快腳地放下凍米茶, 前菜, 生菜及味碟

前菜有煎蛋, 本菇, 泡菜及豆腐

泡菜不會太辣, 非常爽口新鮮
煎蛋好香蛋味, 唔錯
本菇味道清淡,更突顯出它的鮮味
豆腐味道不算出眾, 只夠冰凍

來BBQ 7080 , 不是全都要烤的, 可點廚師製作的

辣泡菜湯 [$88] (送飯 [$20])

想吃飯既朋友, 我建議大家點尼個湯比較化算, 因為單點一個都要是$20~

泡菜湯顏色很紅, 想必很辣, 因為前泡菜都有點辣, 不過吃下去時反而是偏甜的味道, 配菜也足夠的, 但泡菜湯未算正宗,辣味可以加多一點, 才煮出好味道可以送飯既湯

韓式炒粉絲 [$88]

粉絲色澤深色，而且好粗身，。吃上來不會覺得過林身，而且味道調教得剛剛好，不會油膩。但份量不多，4人行㚒少少就無嚕～有點追著吃哦～

濟洲島黑毛豬五花腩 [$168/180]

韓國五花腩絕對係韓國烤肉必點選既肉類。職員會過來幫忙燒的，手殘的我不用擔心，在剛熟透時，會剪成一塊塊，並加以燒至金黃脆身。千萬別讓熟透的五花腩在鐵板上，可放在生菜上，避免過熟。

五花腩既油脂及肉分佈得不錯，唔會太肥，真的會把整塊KO的，我覺得用生菜泡菜包著來吃已十分美味。不用額外的調味醬。

烤牛肉 [$158/250g]

因為牛肉薄身，職員教授我們要把牛肉全都放進鐵皮上快炒，需然很快已熟，不過好難咬開，就像膠一般。不建議點選這款牛肉。

醃牛肋骨 [$248/400g]

牛肋骨份量唔錯，共有兩條牛肋骨。這是醃過的，已經有味架啦。

牛肋骨好長，要轉彎才可平放全條。因為它的色澤較深色，所以很難知道它的熟成度有幾高。

牛肋骨好林，但肉質一般，好似是用了鬆肉粉般。而且牛味不出眾，有點失望。

整體黎講，我覺得五花腩是最好味的，韓豬都是比較美味，而且經職員燒的更有水準，我地就乖乖的看表演吧。

雖然會價錢方面未算貴，但牛肉既肉質有待提高。

BBQ 7080 (銅鑼灣)

地址 : 銅鑼灣登龍街28號永光中心2樓

電話 : 3904 3693

網址 : http://www.openrice.com/hongkong/restaurant/-/156474

My sharing

http://www.ubeauty.com.hk/member_blog/summerstarzz/

2015年5月7日星期四

韓遊剪髪新體驗

YAN YAN 早排去韓國旅行，雖然一個月前先臨時決定去，不過就plan 咗好多行程，讓我分享一下今次既新體驗啦～

就係去韓國剪頭髮啦！

我諗大家已經滿腦子問題，唔通YAN YAN 係韓文通? 定係有韓國朋友一齊呢？

全部都唔係XD

只要你心口有個勇字，錢包有現金，30分鐘時間就可以了。

我單身上陣，係甩掉旅行腳（佢地已經係香港剪咗）後迅速走到位於東大門Lotte Fitin去尋找髪型屋

若果搭地下鐵，就在東大門歷史文化公園站11號出口直達Lotte Fitin，它位於B3 樓層，往下走一層就到架啦，超方便。

髮型屋很時尚，還有很寬敞，落地玻璃，光線充足。

剪髮前既我，頭髮很長，短蔭也剛留長了。經常留長髮既我，好想有個新look。

韓國剪頭髮到底要幾多錢呢？會唔會好貴？佢地會唔會無啦啦加我錢去焗油架？

放心，門口有價錢牌的（門口右手邊-refer 上圖）

洗頭髮:10,000 WON

剪頭髮: 20,000 WON

電髪：50,000 WON UP

其他就唔識睇嚕～

入去時，職員會幫你放好隨身物品係locker ，要好好袋住條key 呀。

尼個妹妹仔就同我洗頭，洗頭技術一般，其實我頭痕，但佢r得唔夠，哈哈！

跟住再要等髮型師

張椅都幾好坐好舒服，而且地方很乾淨，幾乎見不到有頭髮碎在地上，與香港的差很遠。

今次操刀就係尼位女髪型師。佢真係好鬼有型，一字眉，潮爆金色短髪。唔講野都好型。

最緊張既環節黎啦，佢問我想點剪，我就係尼個時候，拎左尼張相比佢睇，但佢話尼個頭髮要電先做到尼個效果，但無時間呀我，唯有輕輕修下啦。

我話要剪平個髪尾，佢會模仿一次去確認我想要既剪法，前蔭就修短咗少少。

我尼個樣係咪有d似韓妹個頭呢！

髮型師見我鐘意，就用直髪夾微微捲內，睇佢輕易屈幾下就做到尼個韓妹頭，好自然，唔需要電頭髮都可以即時擁有。

幸好剪了這個髮，清爽很多，讓我在機場內大奔跑退稅趕飛機都快好多。

當我離開既時候，職員都會在門口等候迎送我，就像日本一樣，可能見我是遊客吧，對於佢地黎講都新奇架！

30,000 WON 就有個新look ，溝番到香港個個都話好睇，強烈建議大家抽少少時間去體驗一下^^ （只要用簡單英文單字同手語就得架啦）

My sharing

http://www.ubeauty.com.hk/member_blog/summerstarzz/

2015年5月3日星期日

享受EL CID西班牙菜的音樂夜

上一次到 EL CID 應該有2年前，點解咁耐都無黎呢？係因為覺得味道同以前唔同，有點失望，所以就無再黎嚕～

因為想去既餐都要排長長龍，臨時改到加寧街既EL CID

雖然時間尚早，但加寧街已人山人海，幸好walkin 也可以立即就座，大多數既人仕都喜歡坐在外面，而我當然喜歡室內，因為天氣開始熱，想吃得舒服一點

今次前來是為朋友慶祝, 身為KING PARROT集團之一, 職員會一起拍手唱歌, 整造開開心心既氣氛

此外, 還有2位自彈自唱既音樂人助陣, 他們會為每一桌既客人獻唱, 客人可任點英文歌, 他們大部份都識的, 而且還有和音, 聲線好match架, 好好聽架, 唔需要怕醜, 想點歌就叫佢地黎啦

除了餐牌外，還有它 - 是日精選

有時候精選既選擇也很多，不過今晚我未有在這點菜

好快就已經點菜，起菜速度也很快

蒜蓉包配蕃茄醬（8件）$68

別少看這碟蒜蓉包，它真的不簡單。

香脆既蒜蓉包本身有著蒜香味外，還加以炸蒜片，配合一起，令味道更香更濃

如果你怕熱氣或吃過會太大口氣，可以放上蕃茄醬一齊食。其實尼個醬唔會太茄味，只會給口腔清新感，減低熱氣感。

36月特級黑毛豬配無花果 $260

它的顏色比較深色，但唔會覺得鹹

而且黑毛豬味好香，脂肪也很甘香，質感好嫩，非常易咬，口腔也充滿香味，無花果也很香甜。

份量不算少，$260這個會錢也是超值

肉眼牛扒（5成熟）$360

雖說是半生熟，但並未有血水流出，肉質感剛好，絕無鬆肉粉既味道，而且牛肉味都算香濃，實在難得（而家即使好貴既牛扒都未必有牛香味）

5人分享實在唔夠，encore 多一份先夠候^^

海鮮西班牙炒飯 $440 （2人份量）

雖然餐牌說明這是2人份量, 但已足5-6人份量, 所以真係唔夠先再encore, 如果唔係就會好飽肚架啦

尼個炒飯共不同款式既海鮮 - 蝦，青口，魷魚，蜆, 份量也足夠

海鮮既味道加上紅椒在烤焗既過程已經把所有精華都傳到炒飯裡, 所以單吃飯也覺得無比既鮮甜

蝦也有很多蝦膏, 令味道更甘香

火焰雪山

若你喜愛酒味, 這個甜品岩哂你啦～

在蛋白上用rum酒點著火而倒下的, 視覺感受就好滿足啦

蛋白裡面是海棉蛋糕, 很軟滑的, 而且不會過甜

不過因酒味太濃烈, 所以我只吃下2啖就無食啦

焦糖燉蛋

一般既焦糖燉蛋都會很重蛋味, 但EL CID尼個呢, 就以熱情果為主, 感覺好清新, 唔會覺得蛋類甜品過甜

而且焦糖塊夠薄, 易咬碎亦唔會痴牙, 食得開心又唔會咁易蛀牙

旁為榛子布甸，好好味，好像在吃榛子果仁的香濃味道

我又再一次愛EL CID啦, 因為有音樂啦, 氣氛又好, 食物質素與價錢相符

不過由1/5開始, 它進行內部裝修, 為時2個月, 希望它開張之時, 可以同朋友再去啦^^

EL CID西班牙餐廳 (銅鑼灣)

地址 : 銅鑼灣Fashion Walk加寧街9-11號地下C及D舖

電話 : 2576 8650

網址 : http://www.openrice.com/hongkong/restaurant/-/713

「亞洲萬里通」開飯賺里數：

消費每2港元可賺取1里數 (結賬時出示會員卡)

My sharing

http://www.ubeauty.com.hk/member_blog/summerstarzz/